«Шәфкать» үзәге психологы яшүсмерләр белән аралашу серләрен ачты

2025 елның 18 ноябре, сишәмбе

18 ноябрь көнне «Бәхетле гаилә әлифбасы» клубында Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы Гүзәл Минһаҗева белән ата-аналарның үсеп килүче балалар белән аралашу үзенчәлекләренә багышланган очрашу булды. Дәрес социаль хезмәт алучы 12 гаилә өчен махсус оештырылган иде.

Чарада ата-аналар яшүсмерләрне тәрбияләүгә кагылышлы кыйммәтле киңәшләр алдылар. Яшүсмер белән ышанычлы әңгәмә кору техникасына аерым игътибар бирелде. Ата-аналар балаларына ышанырга һәм кыенлыклар вакытында кирәкле ярдәм күрсәтергә өйрәнде.