«Опека» үзәгендә кулинария мастер-классы узды

2025 елның 20 ноябре, пәнҗешәмбе

Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече һәм психологы менталь үзенчәлекләре булган кешеләр өчен кулинария дәресе үткәрделәр. Социаль-көнкүреш тернәкләндерү кабинетында узган чара кулинария күнекмәләрен үстерүгә, көнкүреш мөстәкыйльлекне арттыруга һәм вак моториканы күнектерүгә юнәлдерелгән иде.

Катнашучылар остазның сизгер җитәкчелегендә эремчек запеканкасы әзерләүнең барлык этапларын үзләштерделәр. Эшләрнең эзлеклелегенә, санитария нормаларын һәм кухняда куркынычсызлык кагыйдәләрен үтәүгә аерым игътибар бирелде. Эш дустанә һәм ярдәмчел атмосферада узды, бу катнашучыларның коммуникатив күнекмәләрен үстерүгә ярдәм итте.