«Апрель» тернәкләндерү үзәгендә патриотик тәрбия бирү

2025 елның 20 ноябре, пәнҗешәмбе

Кичә Казандагы «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгендә яшь тәрбияләнүчеләр һәм аларның әти-әниләре хәтерендә озак сакланачак патриотик очрашу узды. Үзәк кунаклары «Халык бердәмлеге» берләшмәсе хәрбиләре булды.

Кунаклар үзләренең авыр хезмәтләре турында эчтәлекле итеп һәм ачыктан-ачык сөйләделәр. Хәрби хезмәткәрләр махсус хәрби операция сугышчыларына һәм тыныч халыкка һәрьяклы гуманитар ярдәм күрсәтелүе турында җентекләп сөйләделәр.

Чараның төп максаты яшь буынга патриотик тәрбия бирү булды.