Казанда «Гаилә энергиясе» фестивале финалы узды
15 ноябрьдә «Гаилә энергиясе» республика гаилә интеллектуаль фестиваленең финалы булды. Фестиваль гаилә бәйләнешләрен ныгытуга һәм катнашучыларның интеллектуаль сәләтләрен үстерүгә ярдәм итә торган уникаль мохит булдыруга юнәлдерелгән.
Чарада шулай ук министр Эльмира Зарипова да катнашты. «Киләсе елда фестиваль республикабызның тагын да күбрәк гаиләләрен берләштерер һәм үзенең игелекле миссиясен дәвам итәр дип ышанасы килә», – дип мөрәҗәгать итте ведомство башлыгы фестиваль финалистларына һәм кунакларына.
«Гаилә энергиясе» фестивале Татарстанның талантлы һәм актив гаиләләре өчен чын трибунага әверелде. Ул республиканың төрле шәһәр һәм районнарыннан йөзләгән гаиләне берләштерде. Фестиваль гаилә традицияләренә һәм кыйммәтләренә ярдәм итә, аралашу, уртак иҗат һәм һәр катнашучының шәхси үсеше өчен шартлар тудыра.
Җиңүчеләрне югары белем бирү программалары буенча укучылар өчен «Татарстан Республикасының ел студенты – 2025» XXI республика премиясендә игълан итәчәкләр.