«Астра» үзәге белгечләре Балинт төркемендә катнаштылар
11 ноябрьдә Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәге белгечләре «Һөнәри эшчәнлектә стресска чыдамлык күнекмәләрен формалаштыру» программасы буенча Балинт төркемендә катнаштылар. Чара Министрлыкның Республика ресурс үзәге базасында узды.
Бу төркемле эшнең уникаль форматы куркынычсыз һәм ярдәмчел атмосферада практикадан катлаулы очракларны анализларга, аларга яңа күзлектән карарга һәм алдагы эш өчен эмоциональ ресурслар табарга мөмкинлек бирә. Чараның төп бурычы – эмоциональ һәм профессиональ януны кисәтү – уңышлы үтәлде. Белгечләр үз хисләрен ачык белдерә, хезмәттәшләренең фикерен тыңлый һәм фикердәшләре коллективының ярдәмен тоя алды.
Мондый формат стресс дәрәҗәсен киметүгә, һөнәри чикләрне ныгытуга ярдәм итә, педагогларга үз эшләреннән канәгать калырга булыша.