Ютазы районында хәйрия концерты оештырылды

2025 елның 7 ноябре, җомга

Район мәдәният йортында МХО сугышчыларына ярдәмгә оештырылган хәйрия концерты авыр сынаулар вакытында ютазылыларның бердәм булуын раслады.

Концерт башланыр алдыннан район башлыгы Аяз Шәфигуллин махсус хәрби операция сугышчылары белән очрашты һәм аларның бүгенге көнгә актуаль мәсьәләләре турында фикер алышты. Мәдәният йорты фойесында волонтерлар хәрәкәте вәкилләренең эшләнмәләре күргәзмәсе оештырылган иде. Концертка килгән халык МХО зонасына ярдәм җибәрүчеләрнең энергиясенә соклануларын белдерде.

Концерт залында шулай ук махсус хәрби операциядә катнашучыларның балалары, хатыннары, әниләре – «Гармония» халыкка социаль хезмәт күрсәтү комплекслы үзәге карамагындагылар да бар иде.

Концерттан җыелган акчалар тантаналы шартларда «Доброшвеи» волонтерлык отряды җитәкчесе Ирина Абрамовага тапшырылды. Әлеге изге эштә катнашучыларның барысына да рәхмәт әйтеп, ул акчаларны кая җибәрү планлаштырылуын әйтте.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International