Социаль хезмәт күрсәтү учреждениеләрендә Әтиләр көне билгеләп үтелде
17 октябрьдә Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре Әтиләр көненә багышланган чара үткәрделәр. Белгечләр әтиләрнең иҗтимагый мөнәсәбәтләр системасындагы роле, балаларга туган кешенең ышанычлы ярдәмен тоюның мөһимлеге турында сөйләделәр.
Әтиләр көнен бәйрәм итү кысаларында Аксубай районының «Хыял» балалар һәм яшүсмерләр социаль приютында тәрбияләнүчеләр концерт программасы әзерләделәр.
Биектау районының «Өмет» халыкка социаль хезмәт күрсәтү комплекслы үзәгенең социаль хезмәтләр алучылары бәйрәм чарасына чакырылган иде. Гаилә белән эшләү буенча белгечләр психолог белән берлектә бай һәм кызыклы программа әзерләде. Чәй эчкәндә чарада катнашучылар үзләренең җылы тәэсирләре белән уртаклаштылар һәм мавыктыргыч очрашу өчен оештыручыларга рәхмәт белдерделәр.