«Апрель» үзәгендә кулинар мастер-класс узды
Казандагы «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгендә кызыклы чара узды – педагоглар кулинар мастер-класс үткәрделәр, анда балалар бергәләп таякта пирожныйлар әзерләделәр.
Күп кенә катнашучылар өчен бу чын иҗат һәм аралашу бәйрәменә әверелде. Педагоглар җитәкчелегендә балалар баллы шарлар ясадылар, әзер десертларны төрле төстәге глазурь һәм сипкечләр белән бизәделәр. Һәр бала фантазия күрсәтә һәм үзенең уникаль десертын ясый алды.
Педагоглар билгеләп үткәнчә, мондый дәресләр вак моториканы һәм хәрәкәтләрне координацияләүне үстереп кенә калмый, үз-үзеңә ышаныч, мөстәкыйльлек формалаштыруга да ярдәм итә, шулай ук балаларга уртак иҗат шатлыгы да китерә.
Чара «Инвалид балалар тәрбияләүче гаиләләргә ярдәм» региональ чаралар комплексын гамәлгә ашыру кысаларында узды.