«Яңарыш» үзәгендә балалар хисләрен белдерергә өйрәнә

2025 елның 30 октябре, пәнҗешәмбе

Идел буе федераль округының «Менталь сәламәтлек» проекты кысаларында Бөгелмә районындагы «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Хис-кичерешләр шәһәренә тылсымлы очыш» музыкаль-коррекцион дәресе узды.

Чара барышында балалар үзләренең хисләрен белдерергә, музыкага импровизацияләргә, үз хисләрен хәрәкәттә белдерергә өйрәнделәр, шулай ук музыкаль уеннар уйнадылар. Сәяхәт тыныч музыкага релаксация белән тәмамланды.

Мондый чаралар балаларга үз хисләрен ачарга, үзләрен һәм әйләнә-тирә дөньяны аңларга өйрәнергә ярдәм итә.

«Менталь сәламәтлек» проекты Россия Федерациясе Президентының Идел буе федераль округындагы Тулы вәкаләтле вәкиле Игорь Комаров инициативасы белән башланды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International