«Гармония» үзәгендә инвалид балаларны тернәкләндерү буенча эш алып барыла
Татарстан Республикасында инвалид балалы гаиләләргә ярдәм итүгә зур игътибар бирелә. Авыр тормыш хәлендә калган балаларга ярдәм фондының «Минем гаиләм» программасы кысаларында Нурлат районындагы «Гармония» халыкка социаль хезмәт күрсәтү комплекслы үзәгендә «Инвалид балалар тәрбияләүче гаиләләргә ярдәм» региональ чаралар комплексы гамәлгә ашырыла.
Региональ чаралар комплексының максаты – инвалид балалар тәрбияләүче гаиләләрнең тормыш сыйфатын, потенциалын күтәрү. Үзәк базасында социаль-көнкүреш җайлашу кабинеты булдырылганы, анда ата-аналарга 4–18 яшьлек инвалид балаларны мөстәкыйль тормышка әзерләүдә ярдәм итәләр.
Кабинет эшчәнлеге түбәндәге юнәлешләр буенча гамәлгә ашырыла: үз-үзеңә хезмәт күрсәтү күнекмәләрен формалаштыру, йорт хуҗалыгын мөстәкыйль алып бару күнекмәләренә өйрәтү, ризык әзерләү күнекмәләренә өйрәтү, бинаны карау. Чираттагы дәрестә төркемдә катнашучылар продуктларның төрләре, аларны саклау шартлары белән таныштылар. Белгечләр күзәтүе астында алар яшелчәләрне чистарттылар һәм турадылар.