Ютазы районында гаилә уены узды

2025 елның 29 октябре, чәршәмбе

Ютазы районының «Гармония» халыкка социаль хезмәт күрсәтү комплекслы үзәге карамагындагылар «Әти белән бергә» район уенында катнаштылар. Чарага 24 команда кушылды.

Катнашучылар «Беренчеләр хәрәкәте» эшчәнлеге юнәлешләре буенча станцияләрдә ярыштылар: патриотлык, дипломатия һәм халыкара мөнәсәбәтләр, мәдәният һәм сәнгать, хезмәт һәм һөнәр, спорт һ. б.

Махсус хәрби операциядә катнашучы, Ветераннар советы рәисе, сугышчан хәрәкәтләр ветераны һ. б. кергән жюри командаларны бәяләде.