«Өмет чаткысы» үзәгендә тәрбияләнүчеләр сугышчылар өчен мендәрләр тектеләр

2025 елның 24 октябре, җомга

Арча районында «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр патриотик акциядә катнаштылар. Хезмәт буенча инструктор Гөлнара Салихҗанова җитәкчелегендә балалар махсус хәрби операция зонасында булган сугышчылар өчен мендәрләр тектеләр. Шулай ук тәрбияләнүчеләр сохари әзерләде һәм сугышчыларга хатлар язды. Әзер эшләнмәләрне, азык-төлекне сугышчылар өчен гуманитар йөк әзерләүче волонтерларга тапшырдылар.

«Без үзебезнең мендәрләребезнең сугышчыларга өй ямен һәм җылысын тоярга ярдәм итүен телибез. Алар йорт турында искә төшерү генә түгел, ә аларны көтүләрен, аларны хәтерләүләрен һәм алар белән горурлануларын аңлата», – дип уртаклаштылар балалар.