«Опека» үзәге белгечләре яшүсмерләргә аларның хокуклары турында сөйләделәр

2025 елның 21 октябре, сишәмбе

20 октябрь көнне Әлмәт районының «Опека» халыкка социаль хезмәт күрсәтү комплекслы үзәге белгечләре мөмкинлекләре чикләнгән балалар мәктәбе базасында «Закон хәрефе» юридик клубы чаралары кысаларында «Мин үз хокукларымны беләм» дигән темага мәгълүмати әңгәмә үткәрделәр.

Чара хокукый культура формалаштыруга, бурычсыз хокуклар һәм хокуксыз бурычлар юклыгын аңлауга юнәлдерелгән. Балигъ булмаганнар белән аларның хокуклары һәм бурычлары турында сөйләштеләр. Шулай ук «Балалар хокуклары» рәсем конкурсы оештырылды.

Барлык катнашучыларга мәгълүмати тематик буклетлар таратылды.