Казанның «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр III «Талантлар водевиле» бөтенроссия фестивале лауреатлары булдылар. Балалар үзләренең иҗади номерларын онлайн-смотр форматында тәкъдим иттеләр һәм жюрины үзләренең чыгышлары белән таң калдырдылар.
«Апрель» үзәгеннән өч катнашучы да үз номинацияләрендә икенче урыннарны алдылар:
Эмин Гыймалиев – музыка коралында башкару;
Эвелина Шәрипова – вокал;
Роберт Мухинов – вокал.
Мондый нәтиҗә – зур хезмәт, тырыш репетицияләр һәм музыка педагогы Елена Пресманның илһамландыручы остазлыгы җимеше.