«Кояшлы» тернәкләндерү үзәгендә кунаклар булды
17 октябрьдә «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә «Беренчеләр хәрәкәте» гомумроссия иҗтимагый-дәүләт балалар һәм яшьләр хәрәкәте идарәсе рәисе урынбасары Ксения Янова, Татарстан Республикасы хезмәт, халыкны эш белән тәэмин итү һәм социаль яклау министры урынбасары Адель Мөбәрәкшин, Татарстан Республикасы рәисе ярдәмчесе, «Беренчеләр хәрәкәте»нең Татарстандагы төбәк бүлеге җитәкчесе Тимур Сөләйманов булдылар.
Быел үзәктә «Беренчеләр хәрәкәте»нең беренчел бүлеге ачылды. Кунаклар аның советы белән эшлекле очрашу уздырдылар.
Тернәкләндерү үзәге ел саен 1 000нән артык балага ярдәм итә, бигрәк тә терәк-хәрәкәт аппараты бозылган балаларга. Биредә 40 тан артык профильле белгеч эшли, дистәләгән программа гамәлгә ашырыла – адаптив физкультурадан алып гаилә остаханәләренә кадәр.
2025 елда «Кояшлы» үзәгенең «Без беренче – без бергә» дип аталган мөмкинлекләре чикләнгән балаларның үсешенә һәм үз-үзләрен тормышка ашыруына ярдәм итүгә юнәлдерелгән проекты «Беренчеләр хәрәкәте» грантында җиңүче булды.
