15 октябрь – Халыкара ак кул таягы көне

2025 елның 15 октябре, чәршәмбе

Арча районының «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә әлеге көнгә багышланган комплекслы чара узды. Анда катнашучылар ак кул таягы барлыкка килү тарихы, сукыр кешеләрнең көндәлек тормышы ничек узуы, аларга ярдәм итә торган махсус тактиль-тавыш җайланмалары турында белделәр. Балаларга шулай ук үзләренең үҗәтлеге һәм тормышка булган мәхәббәте аркасында дөньякүләм данга ирешкән мөмкинлекләре чикләнгән язучылар турында презентация күрсәттеләр.

Балалар өчен тематик уеннар үткәрелде, алар күрү сәләте бозылган кешеләрнең нинди кыенлыкларга юлыкканын аңларга мөмкинлек бирде.

Алексеевск районындагы балалар һәм яшүсмерләр өчен «Кайгырту» социаль приютында 15 октябрьдә танып белү сәгате узды. Аны тәрбияче Венера Халикова үткәрде. Балалар биремнәр үтәделәр, тематик видеоролик карадылар.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International