Минзәләдә үзенчәлекле балалар өчен мастер-класс үткәрелде

2025 елның 16 октябре, пәнҗешәмбе

Балалар сәнгать мәктәбе базасында Минзәлә районы халыкка социаль хезмәт күрсәтү комплекслы үзәгенең хезмәтләрен алучы мөмкинлекләре чикләнгән балалар өчен оештырылган мавыктыргыч чара узды.

Яр Чаллы кунаклары уенчык ясау буенча мастер-класс үткәрделәр. Балалар һәм ата-аналар бик теләп иҗади эшкә чумдылар, оригиналь уенчык ясадылар.

Бу чара балаларны аларның үсеше өчен кирәкле яңа тактиль тәэсирләр белән баетып кына калмады, фикерләү процессларын стимуллаштырды, шулай ук гаиләдә үзара аңлашуны ныгытты. Бәйрәм азагында һәр балага татлы бүләк тапшырдылар һәм киләчәктә дә дөньяны танып белүдә уңышлар теләделәр.