Зәй геронтоволонтерлары Алабугада ял итте

Зәй районында ялгыз өлкәннәргә ярдәм итүче «Бер сәгатькә ул» проектының «көмеш» волонтерлары Алабугада экскурсиядә булдылар.

Бүген волонтерлар төркемендә 15 ир-ат исәпләнә, алар «Шатлык» халыкка социаль хезмәт күрсәтү комплекслы үзәге карамагында булган өлкән яшьтәге гражданнарга даими ярдәм күрсәтәләр.

Волонтерларның зур йөкләнешен исәпкә алып, оештыручылар аларның эмоциональ һәм физик халәтен саклап калуга юнәлдерелгән чаралар сериясен үткәрергә карар кылдылар. Чараларның берсе төркемнең Алабугага баруы булды. Катнашучылар шәһәрнең танылган истәлекле урыннарын карадылар.