Спас интернат-йортында озак яшәүче әбине хөрмәтләделәр

2025 елның 16 октябре, пәнҗешәмбе

Спас өлкәннәр һәм инвалидлар интернат-йортында социаль хезмәтләр алучы Рәисә Зюкалинаны 95 яшьлек юбилее белән котладылар.

Юбиляр тантаналы көнне башкарма комитет җитәкчесенең социаль мәсьәләләр буенча урынбасары Гөлназ Ходжиева, ветераннар оешмасы рәисе Татьяна Бурумова, социаль яклау вәкилләреннән котлаулар кабул итте.

Рәисә Зюкалина гомере буе башта Яшел Үзәндәге хәрби заводта, аннары балалар бакчасында няня булып эшли, шул ук вакытта балаларын, оныкларын тәрбияли.

Озын гомерле әбигә котлау открыткасы, чәчәкләр, бүләкләр тапшырылды.