«Кайгырту» социаль приютында тәрбияләнүчеләрне яхшылыкка өйрәтәләр

2025 елның 16 октябре, пәнҗешәмбе

Алексеевск районының «Кайгырту» балалар һәм яшүсмерләр өчен социаль приютында рухи-әхлакый тәрбия бирү дәресләре кысаларында «Яхшылык чәчәге» акциясе үткәрелде. Чара көзге игелек атнасы кысаларында узды.

Акция балаларга яхшылыкның мөһимлеген һәм кирәклеген искә төшерү өчен тагын бер сәбәп булды. Тәрбияче Альбина Хәмитова игелек һәм дуслык, әдәпле сүзләр турында әңгәмә үткәрде. Аннары тәрбияләнүчеләр приют хезмәткәрләренә яхшылык чәчәкләре өләштеләр. Җавап итеп балалар татлы сюрпризлар алдылар.

Балалар яхшылыкны башкалар белән бүлешүнең зур рәхәтлек икәнен аңладылар.