«Яңарыш» үзәгендә «Менталь сәламәтлек» проекты кысаларында дәрес узды

2025 елның 15 октябре, чәршәмбе

Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә Идел буе федераль округының «Менталь сәламәтлек» иҗтимагый проектын гамәлгә ашыру кысаларында тәрбияләнүчеләр сенсорика иленә сәяхәткә китте.

Балалар «Төрле төстә» станциясенә тукталдылар, анда табышмаклар чиштеләр, чәчелгән муенсаларны җыйдылар, хәрәкәтчән уеннар уйнадылар. Шулай ук балаларны башка станцияләрдә дә сюрпризлар көтте, анда алар уен формасында конструктив күнекмәләрне ныгыттылар, хәрәкәтләрне координацияләүне, вак һәм эре моториканы камилләштерделәр.

«Менталь сәламәтлек» проекты Россия Федерациясе Президентының Идел буе федераль округындагы Тулы вәкаләтле вәкиле Игорь Комаров инициативасы белән башланды.