Югары Ослан районында өлкәннәр белән сәламәтләндерү чаралары циклы үткәрелә

2025 елның 9 октябре, пәнҗешәмбе

Югары Ослан районында өлкәннәр ункөнлеге кысаларында өлкән яшьтәге кешеләргә ярдәм итү, аларның физик активлыгын саклау һәм сәламәтлеген ныгытуны өчен чаралар үткәрелә.

«Өмет утравы» халыкка социаль хезмәт күрсәтү комплекслы үзәге хезмәткәрләре социаль хезмәт алучылар белән дәресләр үткәрә. Сәламәтләндерү чаралары циклына физик активлыкны яхшыртуга, өлкән яшьтәге кешеләрнең хәтерен һәм игътибарын күнектерүгә ярдәм итә торган күнегүләр керә.

Спорт күнегүләре яшьтәге үзгәрешләр белән көрәштә мөһим корал булып тора, алар мускулларны тонуста тотарга ярдәм итә, иммун, нерв һәм йөрәк-кан тамырлары системаларын ныгыта. Өлкәннәр, төрле авыруларны профилактикалауда әһәмиятен аңлап, дәресләрдә бик теләп катнашалар.