«Яңарыш» үзәге булачак әниләргә шатлык бүләк итә

Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәге үзенең актив социаль позициясен күрсәтте – булачак әниләргә багышланган чарада катнашты.

Бәйрәм аралашу һәм тәҗрибә уртаклашу өчен генә түгел, ә уртак иҗат өчен дә менә дигән мөмкинлек булды. Чара өчен үзәктә тәрбияләнүчеләр гипс фигуралары коллекциясен әзерләгәннәр иде. Нәкъ менә аларны очрашуда катнашучылар бизәде. Балалар шатланып үз идеяләре белән уртаклаштылар, төсләр сайларга булыштылар, ә йөкле хатын-кызлар рәхмәт белән ярдәм кабул иттеләр.