Казанның социаль хезмәт күрсәтү үзәге белгечләре «Гаилә» илкүләм проекты чараларын гамәлгә ашыра
Йөкле хатын-кызлар көне һәм «Гаилә» илкүләм проекты кысаларында Идел буе районының гаиләгә һәм балаларга социаль ярдәм бүлеге психологы Казанның 13 нче номерлы хатын-кызлар консультациясендә булачак әниләр мәктәбе эшендә катнашты.
Дәреснең максатлары: психоэмоциональ киеренкелекне бетерү, бала табуга уңай кәеф формалаштыру, бала–ата-ана мөнәсәбәтләренең уңай образын модельләштерү.
Психолог катнашучыларны дистресс һәм эустресс төшенчәләре белән таныштырды, борчылу дәрәҗәсен киметү, стресска каршы торучанлыкны үстерү буенча киңәшләр бирде. Баш мие штурмы барышында төркем «бала – ата-ана» элемтәсен үстерү мәсьәләсе турында фикер алышты, булачак әниләр гаилә мөнәсәбәтләренең баланың физик һәм психик үсешенә йогынтысы, бала тугач депрессия үсеше куркынычлары һәм аны профилактикалау ысуллары турында белделәр.
Барлык катнашучыларга «Бала табуга психологик әзерлек» белешмәләре һәм «Исәнме, әни» көндәлекләре тапшырылды.