«Астра» үзәгендә игелек, хөрмәт һәм зирәклеккә багышланган бәйрәм узды

2025 елның 6 октябре, дүшәмбе

Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә игелеккә, хөрмәткә һәм зирәклеккә багышланган җылы һәм күңелгә үтеп керерлек бәйрәм узды. Чара кунаклары ветераннар булды, аларны өйдә пешкән ризыклар белән чәй табыны каршы алды.

Балалар әти-әниләре белән бергә бәйрәм программасы әзерләгәннәр иде. Үзәк директоры Галина Калашникова катнашучыларны бәйрәм белән котлады, өлкән буынга ихлас рәхмәтен җиткерде, гаилә кыйммәтләрен һәм традицияләрен тапшыруның мөһимлеген ассызыклады.

Чараны оештыруга Алабуга медицина көллияте студентлары да кушылды. Тәҗрибәле хезмәттәшләр белән аралашу үзара ярдәм һәм буыннар арасындагы элемтә принципларының мөһимлеген раслады, үзара ярдәмнең әһәмиятен искә төшерде.