Югары Ослан интернат-йортына бәйрәмгә бүләкләр тапшырдылар
Иң җылы рәхмәт сүзләрен Югары Ослан өлкәннәр һәм инвалидлар интернат-йортында яшәүчеләр һәм хезмәткәрләр Өлкәннәр көненә әзерләнүдә ярдәм иткән хәйриячеләргә җиткерәләр.
Читтә калмыйча интернат-йортка ярдәм итүчеләр арасында – Казанның Авиатөзелеш районындагы 62 нче мәктәпнең педагогик коллективы, укучылары, аларның әти-әниләре. Алар өлкәннәр өчен тәм-томнар һәм чәй, азык-төлек һәм гигиена чаралары җыйдылар. Укучылар интернат-йортта тәрбияләнүчеләрне бәйрәм белән чын күңелдән открыткалар белән котладылар. Бу бүләкләрне «Казан Әниләре» хәйрия фонды активистлары китерде, алар белән учреждениенең күптән тыгыз партнерлыгы урнашкан.
Интернат-йорт директоры Тәнзилә Васильева сүзләренә караганда, хәйриячеләр бүләкләрне беренче ел гына тапшырмыйлар. Социаль хезмәтләр алучылар өчен мондый игътибар бик мөһим. Алар алган уңай эмоцияләр тернәкләнү потенциалын арттыра.