Минзәлә районыннан социаль хезмәт алучылар игелекле эш башкардылар

2025 елның 3 октябре, җомга

Минзәлә районы халыкка социаль хезмәт күрсәтү комплекслы үзәге гражданлык җәмгыятен үстерүгә республика гранты алган «БЛАГОшвейка» тегү остаханәсе» проектын башкаручылардан булып тора.

Сентябрь уртасында социаль хезмәтләр алучы ата-аналар һәм балалар махсус хәрби операциядә катнашучылар өчен кием тегү дәресендә катнаштылар.

«Za СВОих Мензелинск 116» " тегү цехы волонтерлары җитәкчелегендә эшкә керештеләр. Башта куркынычсызлык техникасы буенча инструктаж үткәрелде, аннары кунакларны кисү һәм тегү техникасы белән таныштырдылар. Эш барышында балалар әти-әниләре белән бергәләп детальләрне кисте, тегү машинасында текте.

Барысы да алынган нәтиҗәдән канәгать калдылар, чөнки фронт сызыгындагы егетләргә үзләренең җылысын җиткерә алдылар.