«Исток-Башлангыч» үзәгендә яңа гаилә проектын эшләтеп җибәрәләр

2025 елның 2 октябре, пәнҗешәмбе

Лениногорск районының «Исток-Башлангыч» халыкка социаль хезмәт күрсәтү комплекслы үзәге белгечләре «Гаилә остаханәсе – чүлмәкчелек эше» яңа проектын башлап җибәрү турында игълан иттеләр.

Проектның төп максаты – ярлылык проблемасын хәл итү һәм социаль җәлеп ителеш өчен шартлар тудыру, гаиләләргә үзләренең иҗади потенциалын ачу һәм тормыш дәрәҗәсен күтәрү мөмкинлеге бирү. Курс кысаларында балчык белән эшләү буенча даими дәресләр планлаштырылган.

Проектның мөһим үзенчәлеге булып ата-аналарны уртак иҗат процессына актив җәлеп итү тора, бу гаилә эчендәге мөнәсәбәтләрне ныгытуга ярдәм итә. Катнашучылар шәхси керамик коллекцияләр ясый, аларны йомгаклау күргәзмәсендә тәкъдим итә һәм сата алачак.

Остаханә октябрь аенда ачылачак.