Алабуга интернат-йортында сугышчы-интернационалист белән хушлаштылар

2025 елның 8 сентябре, дүшәмбе

Алабуга өлкәннәр һәм инвалидлар интернат-йортында сугышчы-интернационалист, Әфганстандагы сугыш хәрәкәтләрендә катнашучы Михаил Льдоков белән хушлаштылар.

Михаил Льдоков интернат-йортта 10 ел яшәгән. Инвалид коляскасында йөрүенә карамастан, ул актив тормыш рәвеше алып бара, аны даими рәвештә Әфганстандагы хәрби хәрәкәтләргә багышланган шәһәр чараларына чакыралар. Интернат-йортта да эшсез утырмый – «Алабуга УкупрПласт» ҖЧҖендә эшли.

Аны искә алырга район сугышчан хәрәкәтләр ветераннары советы рәисе Михаил Семенов, хәрби дан музеен оештыручы Екатерина Данилова, әфган сугышчылары, дуслары, туганнары, учреждение хезмәткәрләре килде.

Интернат-йорт хезмәткәрләре Михаил Льдоковның фотосурәтләрен һәм бүләкләрен сугышчан дан музеена тапшырдылар.