«Кайгырту» социаль приютында хокукый тәрбия бирү

2025 елның 11 сентябре, пәнҗешәмбе

Алексеевск районындагы балалар һәм яшүсмерләр өчен «Кайгырту» социаль приютында тәрбияче Татьяна Безроднова хокукый тәрбия дәресе үткәрде. Чарада 11 бала катнашты.

Балалар Бала хокуклары турындагы конвенция һәм РФ Конституциясе турында белделәр, төп хокуклар һәм бурычлар белән таныштылар. Приютта тәрбияләнүчеләр викторина сорауларына җавап бирделәр, уен уйнадылар. Әкият геройлары һәм популяр мультфильмнар мисалында нинди гамәлләр аяныч нәтиҗәләргә китерергә мөмкин икәнлеген тикшерделәр.