«Хыял» приюты балалары бөтенроссия акциясенә кушылды

2025 елның 12 августы, сишәмбе

Аксубай районының «Хыял» балалар һәм яшүсмерләр өчен социаль приютында тәрбияләнүчеләр Халыкара яшьләр көненә багышланган «Җылылык бүләк итәм» акциясенә кушылдылар. Бу вакыйга алар өчен үзләренең җылы һәм уңай яклары белән тирә-юньдәгеләр белән уртаклашу өчен менә дигән мөмкинлек булды.

Балалар кызыклы чыгышлар әзерләделәр, аларда акциянең әһәмияте, бер-береңә җылылык һәм кайгырту бүләк итүнең мөһимлеге турында сөйләделәр. Алар дуслык, үзара ярдәмләшү турындагы фикерләре белән уртаклаштылар. Шулай ук тәрбияләнүчеләр буш вакытны файдалы итеп үткәрү турында файдалы идеяләр белән мәгълүмати листовкалар әзерләделәр һәм тараттылар.