Югары Ослан районы социаль учреждениеләре хоспислар өчен уңыш җыйдылар
«Өмет утравы» халыкка социаль хезмәт күрсәтү комплекслы үзәге коллективы һәм Югары Ослан районы социаль яклау бүлеге хезмәткәрләре Казандагы балалар хосписы һәм «Наташа» хосписы пациентлары өчен яшелчә һәм җиләк-җимеш җыюны оештырдылар.
Хоспис карамагындагылар өчен табигатьнең сезонлы бүләкләре – азык-төлек продуктлары гына түгел. Бу файдалы витаминнар чыганагы, җәйге җылылык кисәге һәм алар турында кайгырту билгесе.
«Безнең хезмәткәрләр бу инициативага аерым бер дулкынлану белән кушылдылар. Безнең һәрберебез өчен мондый игелекле эшкә үз өлешебезне кертү мөһим. Хоспис пациентлары өчен бу яшелчә һәм җиләк-җимешләрнең никадәр кыйммәтле булуын аңлыйбыз – алар сәламәтлекне ныгытып кына калмый, ә шатлык хисе дә бүләк итә», – дип ассызыклады социаль яклау бүлеге башлыгы.