«Шәфкать» үзәгендә гаилә тәрбиясе стильләре турында сөйләштеләр
Ата-ана тәрбиясе баланың шәхес үсешендә төп роль уйный, сайланган стильгә карап, уңай да, тискәре дә йогынты ясый. Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Гүзәл Минһаҗева социаль хезмәт алучы ата-аналар өчен «Бәхетле гаилә әлифбасы» курсы буенча «Тәрбия стильләре» дигән тренинг дәресе оештырды. Чараның максаты тәрбияләүнең үз стилен ачыклау һәм баланы катгый таләпләр белән һичшиксез кабул итү арасында оптималь баланска ирешү иде.
Очрашу барышында ата-аналар тәрбиягә үз карашларын тирән диагностикаладылар, төрле тәрбия стильләренең өстенлекләре һәм кимчелекләре турында фикер алыштылар. Ата-ана белән баланың үзара бәйләнешенең катлаулы ситуацияләре турындагы фильмнар фрагментларын карадылар, үз-үзләрен тотышларын анализладылар.
Тренинг балалар һәм ата-аналар мөнәсәбәтләрен ныгыту буенча киңәшләр белән буклетлар тапшыру белән тәмамланды.
Чара «2024–2025 елларга балаларның иминлеген тәэмин итүнең төбәк системасын үстерү» юнәлеше буенча чаралар комплексын һәм «Гаилә» милли проектын гамәлгә ашыру кысаларында уздырылды.