«Хыял» приютында социаль-тернәкләндерү консилиумы утырышы оештырылды

2025 елның 29 июле, сишәмбе

Аксубай районының «Хыял» балалар һәм яшүсмерләр өчен социаль приюты базасында муниципаль социаль-тернәкләндерү консилиумының киңәйтелгән утырышы узды, анда Нурлат шәһәренең профилактика органнары вәкилләре катнашты. Көн тәртибендәге төп мәсьәлә приюттагы балигъ булмаганнарның киләчәктә дә яшәешен җайга салу булды.

Утырыш барышында тугыз балигъ булмаган бала тәрбияләүче биш гаилә каралды. Консилиумда катнашучылар бу гаиләләргә ярдәм итү вариантлары турында фикер алыштылар һәм балигъ булмаганнарның иминлеген тәэмин итүгә һәм хокукларын яклауга юнәлдерелгән алдагы адымнарны билгеләделәр.