«Ветеран» үзәгенә кунакка мотоциклчылар килде

2025 елның 11 июле, җомга

Әлмәттә «Ветеран» инвалидларны тернәкләндерү үзәгенең социаль хезмәтләр алучылар өчен «Якын кешеләр» төркеме волонтерлары һәм мотоциклчылар берлеге оештырган истәлекле бәйрәм булды.

Төп вакыйга төрле маркалы һәм модельле мотоциклларның гадәти булмаган шоу-күргәзмәсе булды. Социаль хезмәтләр алучылар тимер атларга сокланып кына калмадылар, байкерлар белән аралаштылар, истәлеккә фотога төштеләр. Моннан тыш, тернәкләнүчеләр өчен макияж һәм рәсем ясау буенча мастер-класслар үткәрелде. Түбән Кама кунакларыннан тәмле ризыклар салынган пакетлар бүләк булды.