«Юлдаш» интернат-йортында яшәүчеләр махсус хәрби операция сугышчыларына ярдәм күрсәтүләрен дәвам итәләр

2025 елның 4 июле, җомга

Бу атнада Чистайның «Юлдаш» өлкәннәр һәм инвалидлар интернат-йортында социаль хезмәтләр алучылар «Чистай – фронтка» хәрәкәте волонтерларына нарат күркәләре һәм калай банкалар тапшырдылар. Буш тара һәм күркәләр кирәкле эш өчен – махсус хәрби операция ихтыяҗлары өчен блиндаж шәмнәре ясау өчен файдаланыла.

Булачак шәмнәр өчен материал әзерләүдә элеккечә үк социаль хезмәтләр алучы Минач Гыйматдинов актив катнаша. Ул сугышчыларга ярдәмгә махсус хәрби операция башланганнан бирле кушылды.