Югары Ослан районында балалар өчен бәйрәм оештырдылар

2025 елның 11 июне, чәршәмбе

Печищи авылында район балалары өчен матур бәйрәм узды. «Өмет утравы» халыкка социаль хезмәт күрсәтү комплекслы үзәге, «Игелекле кешеләр» волонтерлык хәрәкәте һәм авыл мәдәният йорты балаларга, шул исәптән күпбалалы гаиләләрдә яшәүчеләргә һәм авыр тормыш хәлендә калганнарга, шатлык бүләк итү өчен балалар Сабантуе оештырдылар.

Балалар күңелле ярышларда һәм викториналарда катнаштылар. Һәр бала истәлекле сувенир алды. Шулай ук чара кунакларын тәмле пылау белән сыйладылар.

Чара шатлык һәм бердәмлек атмосферасында узды.