«Хыял» социаль приютыннан балалар Аксубай районы мөхтәсибәтендә булдылар

Балалар һәм яшүсмерләр өчен «Хыял» социаль приютында тәрбияләнүчеләр җирле мөселман дини оешмасында – Аксубай районы мөхтәсибәтендә булдылар. Чара «Ислам дөньясына сәяхәт» девизы астында узды һәм балаларга онытылмаслык тәэсирләр һәм яңа мәгълүмат бүләк итте.

Балалар изге китапларның борынгы нөсхәләрен күрделәр һәм татар халкының милли гореф-гадәтләре һәм көнкүреше белән таныштылар. Маршрут пунктларының берсе мәчет каршындагы хәләл продукция кибете булды, анда балалар шәригать таләпләренә туры килә торган азык-төлек ассортименты белән таныша алдылар. Кибет хезмәткәре ачык итеп хәләл продуктның нәрсә икәнен аңлатты.

Экскурсиянең төп максаты төрле мәдәният һәм дин вәкилләренә карата түземлелек һәм хөрмәт тәрбияләү булды.