«Асылташ» приютында тәрбияләнүчеләр кафедраль соборда булдылар

2025 елның 20 июне, җомга

18 июньдә Яр Чаллы шәһәренең «Асылташ» балалар һәм яшүсмерләр социаль приютында тәрбияләнүчеләр Изге Вознесение кафедраль соборында булдылар.

Экскурсия вакытында мәхәллә хезмәткәре Дмитрий Русин борынгы чиркәү тарихы һәм аның төзелеше турында сөйләде. Манарага менү балалар өчен онытылмас мизгел булды. Программаның рухи өлеше азагында балаларны кайнар ризыклар, компот һәм тәм-томнар белән сыйладылар.

Чиркәүдән соң тәрбияләнүчеләр чишмәләргә юнәлделәр, анда зур кызыксыну белән аларның күп гасырлык тарихын тыңладылар. Бу көн балаларның күңелләрендә онытылмас истәлекләр калдырды һәм аларның рухи үсешендә мөһим адым булды.