«Исток-Башлангыч» үзәгендә тематик уен-сәяхәт уздырдылар
Россия көне алдыннан Лениногорск районының «Исток-Башлангыч» халыкка социаль хезмәт күрсәтү комплекслы үзәгендә гаиләгә һәм балаларга социаль ярдәм бүлекчәсе социаль педагогы Марина Галимова «Мин Россиядә яшим» дигән уен-сәяхәт уздырды.
Уен социаль хезмәтләр алучыларга үз илләре турында күбрәк белергә мөмкинлек биреп кенә калмады, ә аларны Россия турында кызыклы фактлар, гореф-гадәтләр һәм мәдәният дөньясына да чумдырды. Катнашучылар төрле биремнәр һәм викториналар аша географик үзенчәлекләр, тарих һәм казанышлар белән таныша алдылар. Ахырда социаль хезмәтләр алучылар ватанга мәхәббәт символы булган открыткалар ясадылар.
Мондый мәдәни чаралар оештыру балаларда ватанпәрвәрлекне үстерергә, аларның җәмгыятькә интеграциясенә ярдәм итә һәм үз илләренең тарихи мирасы белән элемтәләрен ныгыта.