«Хыял» социаль приютында хәтер сәгате уздырдылар

2025 елның 5 июне, пәнҗешәмбе

Ел саен 4 июньдә Халыкара гаепсез балалар – агрессия корбаннары көне билгеләп үтелә. Аксубай районының «Хыял» балалар һәм яшүсмерләр социаль приютында тәрбияләнүчеләр өчен «Планета балаларына – борчылуларсыз һәм күз яшьләрсез дөнья» исемле хәтер сәгате үткәрелде.

Балалар «Садако Сасаки һәм 1000 кәгазь торна турында легенда» документаль фильмын карадылар. Шулай ук теракт куркынычы булганда үз-үзеңне тотуның төп кагыйдәләре турында сөйләштеләр, толерантлык төшенчәсе турындагы белемнәрне ныгыттылар. Аралашу барышында балалар үз фикерләрен әйттеләр, әхлакый проблемалар, ситуацияләр турында фикер алышуда катнаштылар.