«Исток–Башлангыч» үзәгендә «Без террорчылыкка каршы» профилактик сәгате узды
28 майда Лениногорск районының «Исток–Башлангыч» халыкка социаль хезмәт күрсәтү комплекслы үзәгенең социаль педагогы Ләйсән Хәйруллина балигъ булмаганнар өчен «Без террорчылыкка каршы» дигән профилактик сәгать үткәрде.
Катнашучылар террорчылык төшенчәсе, аның сәбәпләре һәм нәтиҗәләре белән таныштылар. Ләйсән Хәйруллина әңгәмә үткәрде, яшүсмерләр үз фикерләрен белдерде һәм сораулар бирде. Шулай ук профилактик сәгать кысаларында яшьләрне террорчылык оешмаларына вербовкалауның реаль мисаллары каралды һәм мондый куркынычны танып белү һәм булдырмау ысуллары турында фикер алышынды.
Соңыннан катнашучыларга мәгълүмати материаллар тапшырдылар.
Профилактика сәгате балигъ булмаганнарда террорчылыкка каршы тотрыклы позиция формалаштыруда мөһим адым булды.