«Шәфкать» үзәгендә эмоциональ януны профилактикалау буенча чара уздырдылар
Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә эш көннәренең бер иртәсе гадәти булмаганча башланып китте: актлар залына җыелгач, белгечләр бауга эленгән һәрбер хезмәткәрнең балачак фотосурәтләрен күрделәр.
Психологлар Гүзәл Минһаҗева һәм Наталья Емельянова катнашучылар алдына билгеле бер бурыч куйдылар – балаларның сөйкемле йөзләре артында өлкән белгечләрнең шәхесләрен ачыклау.
«Хезмәткәрләрнең эмоциональ януын профилактикалау» программасы кысаларында чара күңелле һәм эчкерсез дәртле атмосферада узды. Мондый акция команда рухын ныгытуга һәм коллектив эчендә уңайлы климат булдыруга ярдәм итә.
Аннары белгечләр нейрография сеансында катнаштылар. Бу ысул стресс һәм борчылу дәрәҗәсен киметергә, игътибарны туплауны һәм проблемаларны стандарт булмаган ысуллар белән хәл итү сәләтен яхшыртырга ярдәм итә.