«Шәфкать» үзәгендә «Карау буенча ярдәмче» программасы буенча укулар узды
21 майда Түбән Кама районының «Шәфкать» халыкка социаль хезмәт күрсәтү комплекслы үзәгендә «Россия Кызыл Хачы» гомумроссия иҗтимагый оешмасының Татарстан төбәк бүлеге вәкилләре «Карау буенча ярдәмче» программасы буенча укулар үткәрделәр. Чарада үзәкнең 52 хезмәткәре катнашты.
Программа чит кеше каравына мохтаҗ затларны карау буенча хезмәтләр күрсәтү өлкәсендә белем һәм күнекмәләр алуга юнәлдерелгән. Тыңлаучылар һөнәр турында таныклык алачак, бу аларга шунда ук сайланган һөнәр буенча эшкә керешергә мөмкинлек бирәчәк.
2023 елдан иҗтимагый оешма хәйрия нигезендә республиканың 39 муниципаль районында 39 меңнән артык өлкәннәр, укучылар һәм студентлар өчен беренче ярдәм буенча 766 мастер-класс үткәргән. Үз-үзләренә хезмәт күрсәтү кытлыгы булган затларны карарга өйрәтү программаларында 2,2 меңнән артык кеше катнашкан.