«Тургай» приютында махсус операциядә катнашучы белән очрашу узды
6 майда Минзәлә районының «Тургай» балалар һәм яшүсмерләр өчен социаль приютында кыска вакытлы ялда булган МХО хәрбие белән очрашу булды.
Кунак сугыш хәрәкәтләре турындагы истәлекләре белән уртаклашты, җиңүгә таба барган авыр юлда нинди авырлыклар һәм сынаулар узарга туры килүе турында сөйләде. Ул сугышчыларның туганнарыннан хәбәрләр яки бөтенләй таныш булмаган балаларыннан хатлар алганда кичергән хисләре белән уртаклашты. Хәрби хезмәткәр шулай ук үзенең дуслары, авыр минутларда дусларча ярдәм итүләре турында сөйләде. Балалар сугышчыны зур кызыксыну белән тыңладылар һәм сораулар бирделәр.
Әңгәмәдән соң тәрбияләнүчеләр приют буйлап экскурсия үткәрделәр, үз бүлмәләрен күрсәттеләр, кунакка үз куллары белән ясалган бүләкләр бүләк иттеләр.
Ахырда сугышчыларга чираттагы посылка һәм хатлар тапшырдылар. Шулай ук приют Чебаркуль шәһәренең гвардия танк полкы командованиесеннән рәхмәт хаты алды.