Бәйрәм алдыннан «Юлдаш» интернат-йорты депутаттан бүләк алды

2025 елның 7 мае, чәршәмбе

Чистайның «Юлдаш» өлкәннәр һәм инвалидлар интернат-йортында җиденче чакырылыш Татарстан Республикасы Дәүләт Советы депутаты Наил Залаков булды. Ул ветераннарны якынлашып килүче Җиңү көне белән котларга килде.

Депутат биш һава рециркуляторы бүләк итте. Бу прибор учреждениедә аеруча кирәк, чөнки ул һаваны чистарту һәм зарарсызландыру өчен хезмәт итә.

Администрация өлкәннәрнең ихтыяҗларына игътибарлы булулары һәм аларның тормышларын уңайлырак һәм тулырак итәргә омтылулары өчен тирән рәхмәтле.