Тәгәрмәчле тернәкләндерү үзәге мөмкинлекләре чикләнгән татарстанлыларга ярдәм күрсәтүен дәвам итә

2025 елның 29 апреле, сишәмбе

Әлеге уникаль проектның авторы Марат Ильясов биш айлык эш нәтиҗәләре белән уртаклашты. Комплекс Татарстанның дүрт районындагы биш торак пунктта булды инде. 130 кеше бушлай сәламәтләндерү-тернәкләндерү хезмәтләре алды. Узган җомгада белгечләр караган 20 пациенттан торган тагын бер төркем тернәкләндерү курсын 31 майга кадәр узачак.

1 июньнән 31 июльгә кадәр мобиль комплекс Баулы районының Кызыл Яр авылында, 1 августтан 30 сентябрьгә кадәр Ютазы районының Байрак авылында, 1 октябрьдән 30 ноябрьгә кадәр Бөгелмә районының Кече Бөгелмә авылында эшләячәк.