Республика халкын озын яллар көтә
Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.
Россия Федерациясе Хезмәт кодексының 112 статьясы нигезендә 1 май – Яз һәм Хезмәт бәйрәме, 9 май – Җиңү көне эшләми торган бәйрәм көннәре булып санала.
Эшләми торган бәйрәм көненә кадәр эш көне яки сменаның дәвамлылыгы бер сәгатькә кими (Россия Федерациясе Хезмәт кодексының 95 статьясының 1 өлеше).
Россия Федерациясе Хөкүмәтенең 2024 елның 4 октябрендәге «2025 елда ял көннәрен күчерү турында» 1335 номерлы карары белән, эшчеләрнең ял һәм эшләми торган бәйрәм көннәрен рациональ файдалану максатларында 2025 елда ял көннәре күчерелде:
4 гыйнвар шимбәдән 2 май җомгага;
23 февраль якшәмбедән 8 май пәнҗешәмбегә.
Шулай итеп, 1–4 май, 8–11 май ял көннәре булачак. 30 апрельдә эш көне бер сәгатькә кыскара.