Бөек Ватан сугышында Җиңүнең 80 еллыгы алдыннан Минзәлә өлкәннәр һәм инвалидлар интернат-йортында кызыл канәфер ясау буенча мастер-класс узды. Бу чәчәкне ветераннарга 9 Майга бүләк итәләр, Мәңгелек утка һәм һәйкәлләргә салалар.
Чарада «Шәфкатьлелек» хәрәкәте волонтерлары катнашты. Кунаклар – Минзәлә муниципаль районы сукырлар җәмгыяте һәм ветераннар советы активистлары.
Мастер-класста катнашучылар бик теләп кәгазьдән кызыл канәферләр ясадылар.