«Кама таңнары» приютында чүлмәкче осталыгы проектын гамәлгә ашыру дәвам итә
«Җиңүләр вакыты» АКБО «Балчык әкияте» чүлмәкчелек остаханәсе» проектын гамәлгә ашыруны дәвам итә. Проектны гамәлгә ашыру буенча дәресләр Менделеевск районындагы «Кама таңнары» балалар һәм яшүсмерләр социаль приютында уза. Әлеге проект гражданлык җәмгыятен үстерүгә Татарстан Республикасы Рәисе гранты ярдәмендә мөмкин булды, ул балаларга һәм яшүсмерләргә үзләренең иҗади сәләтләрен үстерү генә түгел, ә социаль күнекмәләрен дә ныгыту мөмкинлеге бирә.
Чираттагы дәрестә проектта катнашучылар чүлмәкче һөнәре белән таныштылар. Остаханәдә балалар керамика тарихы турында белделәр, чүлмәк ясау җайланмалары һәм балчыктан ясалган әйберләр күрделәр, чүлмәкче түгәрәгендә эшләгәндә куркынычсызлык техникасы буенча белем алдылар. Балалар үзләрен чүлмәкче һөнәрендә сынап карый алдылар.
Остаханәдә эшләү балаларга чүлмәкче һөнәрендә тәҗрибә тупларга һәм үз куллары белән ясалган бүләк алырга мөмкинлек бирде.